Ballina Lajme Juncker: Të rivendoset kultura e kompromisit politik në Ballkan

Juncker: Të rivendoset kultura e kompromisit politik në Ballkan

11
0

Presidenti i Komisionit Evropian, Jean-Claude Juncker, përsëriti sot se asnjë vend nuk do të pranohet në BE derisa të zgjidhë të gjitha problemet dypalëshe, duke vënë në dukje domosdoshmërinë e rikthimit të një kulture kompromisi në Ballkan.

Pas diskutimit me kryeministrin e Maqedonisë Veriore, Zoran Zaev, Juncker vlerësoi se marrëveshja midis Shkupit dhe Athinës është një arritje e jashtëzakonshme politike dhe një shembull i një pajtimi të vërtetë për të gjithë në Ballkanin Perëndimor.

“Kjo dëshmon se gjithçka mund të arrihet nëse ka guxim dhe një perspektivë të qartë,” tha Juncker.

Ai shtoi se marrëveshjet e arritura nga Maqedonia Veriore me Greqinë dhe Bullgarinë janë shembuj të një kulture të rinovuar dhe të domosdoshme të kompromisit politik në rajon, transmeton KosovaPress.

“Kam thënë në vitin 2018 se asnjë shtet anëtar nuk do të pranohet në BE nëse nuk zgjidhin të gjitha mosmarrëveshjet dypalëshe. Maqedonia Veriore e kuptoi këtë thirrje dhe të gjithë të tjerët në rajon duhet të bëjnë të njëjtën gjë, “tha Juncker.

Presidenti i Komisionit Evropian u bëri thirrje vendeve anëtare të BE të miratojnë fillimin e negociatave të pranimit me Shkupin zyrtar në bazë të përparimit në reformat dhe hapin historik të Maqedonisë Veriore në arritjen e marrëveshjeve me fqinjët.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu